.jpg)
प्रधानमन्त्री राहत कोषलाई नेपाल टेलिकमले किन दियो दुई करोड सहयोग
भिडियो हेर्न यहाँ क्लिक गर्नुहोस
काठमाडौँ, ६ भदौ ।
प्रधानमन्त्री दैवीप्रकोप उद्धार कोषमा आज नेपाल टेलिकमले रु दुई करोड सहयोग प्रदान गरेको छ ।
प्रधानमन्त्री निवास बालुवाटारमा बिहान आयोजित एक समारोहमा नेपाल टेलिकमका अध्यक्ष एवम् सञ्चार सचिव सुनिलबहादुर मल्लले रु दुई करोडको चेक प्रधानमन्त्री सुशील कोइरालालाई हस्तान्तरण गर्नुभएको थियो ।
सो अवसरमा सूचना तथा सञ्चार मन्त्री डा. मीनेन्द्र रिजाल र नेपाल टेलिकमका सञ्चालक समितिका सदस्यहरुको पनि उपस्थिति रहेको थियो ।नेपाल टेलिकमका कामु कार्यकारी निर्देशक बुद्धिप्रसाद आचार्यले दिनुभएको जानकारीअनुसार नेपाल टेलिकमका कर्मचारीका तर्फबाट करिब रु ३५ लाख, सञ्चालक समितिका सदस्यहरुको तर्फबाट करिब रु २५ हजार र बाँकी टेलिकमको कोषबाट सो रकम सङ््कलन गरी प्रदान गरिएको हो ।
सहयोग रकम हस्तान्तरण समारोहलाई सम्बोधन गर्दै प्रधानमन्त्री सुशील कोइरालाले प्राकृतिक प्रकोप पीडितको उद्धार, राहत र पुनःस्थापनामा सबै क्षेत्रबाट स्वतःस्फूर्त रुपमा प्राप्त आर्थिक सहयोगप्रति कृतज्ञता प्रकट गर्नुभएको थियो ।
उहाँले आवश्यक पर्दा नेपालीहरु तन, मन र धन सबै कुराले सहयोग गर्न सक्दछन् भन्ने सिद्ध भएको बताउनुभयो । उहाँले सबैको सहयोगले प्राकृतिक प्रकोप पीडितहरुलाई राहत र पुनःस्थापना गर्ने चुनौतीपूर्ण कार्य सहजताका साथ सम्पन्न गर्न सरकारलाई सहयोग मिल्ने पनि बताउनुभयो ।
प्रधानमन्त्री कोइरालाले यस प्राकृतिक विपत्तिबाट जनतालाई जोगाउन राजनीतिक दलहरुमा उच्चस्तरको समझदारी कायम भएर प्रधानमन्त्रीको नेतृत्वमा संविधानसभामा प्रतिनिधित्व गर्ने सबै दलहरुको सहभागितामा उच्चस्तरीय समिति बनेको र विगतदेखि कायम रहँदै आएका समितिहरुले पनि प्रभावकारी रुपमा काम गरिरहेको बताउनुभएको थियो ।
भिडियो हेर्न यहाँ क्लिक गर्नुहोस
0 comments
Write Down Your Responses